✅ له‌م كتێبه‌دا بايه‌خ به مه‌رجه‌ كارگێڕيیه‌كانی‌ مۆڵه‌تی ته‌لار دراوە كه‌ بریتین له:‌ سنووردانان بۆ بواری ڕێنوێنييه‌كانى‌ ته‌لار و پێشکەشکردنی داوا و مۆڵەتی ته‌لار و ڕێگەدان به‌ بیناکردن، هه‌روه‌ها ئەو کارانەی پێویست بە ڕێگەپێدان و مۆڵەت ناکەن. 

✅ باس له‌ مەرجەکانی چاودێریکردنی بینا ده‌كات، وه‌ک: پێوەرە گشتییەکان كه‌ دەبێت شوێن و پێگەی ته‌لاره‌کە گونجاوبن بۆ ئه‌ركەکەی، قەبارەى پارچه‌ زه‌ویيەکە پێویستە به‌گوێره‌ى   ڕێنوێنييه‌‌كان ديارى بكرێت، كه‌ره‌سته‌کانی جياكردنەوە؛ دەبێت دووریی بیناکە لە ڕێگه‌ و ڕێچكە و سنووره‌‌وه ديارى بكرێت.

✅ بەرزى و ژمارەى نهۆم و ڕووبەرى نهۆمی بینا، ڕووبەری بنياتنه‌نراو و شوێنى چوونه‌ژووره‌وه‌ و ڕووبه‌ری چوونه‌ ژووره‌وه‌ی ئۆتۆمبێلى گواستنه‌وه. 

✅ بايه‌خ دراوه‌ به‌ دیزاین، ڕێكخستنی نه‌خشه‌ و گونجاندنی ته‌لار‌، به‌ شێوه‌یه‌ک كه‌ له‌گه‌ڵ دەستەبەریى مه‌رجه‌كانى به‌كارهێنانی ته‌لاره‌كه‌‌دا گونجاوبن لە ڕووی سەلامەتیى تەندروستيیه‌وه؛ هه‌روه‌ها توانای بەكارهێنانی ئاسان بێت لە ڕووی پاککردنەوە و چاککردنەوەوە.

✅ ڕێنماییەکانی کتێبەکە لە ڕێنماییەکانی دروستکردنی تەلاری وڵاتی دانیمارکەوە وەرگیراوە. 

🔻 بابەتە باسکراوەکانی ناو کتێبەکە:

 ▪️مەرجە کارگێڕییەکانی دروستکردنی بینا

▪️ مەرجەکانی چاودێریکردنی تەلارەکان 

▪️ دیزاینکردنی تەلارەکان 

▪️ ستراکچەر و پێکهاتەی بینا

▪️ سەلامەتی لە ئاگر کەوتنەوەدا

▪️کەشوهەوا و هەواگۆڕکێ و ڕووناکی ژوورەوە

▪️ بەکارهێنانی وزە

▪️ سیستمەکانی ئاو و ئاوەڕۆ و گەرمی و ساردی 

🔻 ئەم کتێبە بۆ کێ دەبێت؟ 

- ئەندازیارانی شارستانی و تەلارسازی و بیناکاری 

- ئەو کەسانەی دەیانەوێت خانوو دروست بکەن یان لەو بوارەدا وەک بەڵێندەر کار دەکەن. 

- خوێندکارانی تەلارسازی و شارستانی 

- شارەوانییەکان و حکومەت