چاپی پێنجەم
کتێبی ئەرکەکانی ئەندازیاری شارستانی لە بنیاتنانی یەکەم کتێبی زانستی و ئەندازیارییە بە زمانی (کوردی و لە ٤٣٧ لاپەڕەدا) بە شێوەیەکی ئەکادیمییانە و پڕ زانیاری باسی هەموو ئەو کارانە دەکات کە لە دروستکردنی خانوو دا جێبەجێدەکرێن لە سەرەتاوە تاکوو کۆتا.
✅ ڕۆڵ و ئەرکی ئەندازیاری سەرپەرشتیاری پڕۆژە لە (سایت) شوێنی کارکردن هەر لە قۆناغەکانی سەرەتای بنیاتنانی بیناوە باسکراوە.
✅ کتێبەکە کراوە بە سێ بەشی سەرەکییەوە و لە بەشی یەکەمدا باس لە ئامادەکردنی زەوی و دروستکردنی هەیکەلی بینا کراوە هەر لە (بناغە و دیوار و پایە و جسر و سەقفەوە تا قادرمە و دیواری کۆنکرێت)، پاشان لە بەشی دووەمدا باس لە کارەکانی تەواوکاری (فینیشین) کراوە و سەرەتا تەواوکاری دیوار وەک (شەربەتاو و لەبغ و گەچکاری و کاشی) باسکراوە.
✅ لە بەشی دواتردا باس لە تەواوکاری ئەرزی کراوە وەک شاپ و کاشی و تەختەی ئەرزی (لامینەیت)، پاشان باس لە سەقفی مەغریبی و دانانی دەرگاو پەنجەرە و ئەسترۆپۆڵ و مەنتەڵەمە و بۆیاخ کردنی دیوار کراوە.
✅ کارەکانی ئاو و ئاوەڕۆ و کارەبایی بیناش لە بابەتە سەرەکییەکانی کتێبەکەن.
✅ لە بەشی سێیەم باس لە پشکنینی کەرەستەکانی بینا کراوە قەک کۆنکرێت و چەو و لم و بلۆک.
✅ کتێبەکە بۆ ئەندازیاران و خوێندکارانی ئەندازیاری و هەموو ئەو کەسانەی کە لەبواری بیناسازیدا کار دەکەن سوودێکی ئێجگار زۆری هەیە، سەرجەم بابەتەکان زمانێکی ئەکادیمی سادە لە ڕێگای نووسین و نزیکەیی لە (400 وێنەی سەر پڕۆژەوە ) ڕوونکراونەتەوە.
✅ ئامادەکارانی کتێب بریتین لە (دارکۆ باباعلی و باوان حەمەطاهر خاوەنی بڕوانامەی بەکالۆریۆس لە ئەندازیاری شارستانی / زانکۆی سلێمانی).
☑️ گرنگترین بابەتە باسکراوەکانی ناو کتێبەکە 👇
▪️ دروستکردنی خانوو و بینا هەر لە سەرتاوە تا کۆتایی هەنگاو بە هەنگاو و بە شێوەیەکی ئەندازیاری دروست باسکراوە.
▪️ باسکردنی کەرەستە بیناسازیەکان و چۆنیەتی بەکارهێنانیان بەشێوەیەکی ئەندازیاری لەگەڵ گرنگترین ئەو تاقیکردنەوانەی بۆ کەرەستە بیناسازیەکان دەکرێن.
▪️چۆنیەتی مامەڵە کردن لەگەڵ کارەکانی سەرپڕۆژە و پشکنینی کارەکانی وەستا لەهەر قۆناغێکی بیناسازیدا.
▪️ بابەتەکان بە سوود وەرگرتن لە کۆدی عێراقی و ئەمریکی و سەرچاوە ئینگلیزی و عەرەبییەکان ئامادەکراوە، کە هەندێکیان پڕۆگرامی خوێندنن لە زانکۆکاندا.
▪️گرنگترین تەکنیکەکانی دروستکردنی بینا بەو شێوەیەی لە کوردستاندا پەیڕەو دەکرێت باسکراون و سەرجەم ئەو هەڵانەی لەکاتی بنیاتنانی بینادا دەکرێن باسکراوە و ڕاستکراونەتەوە.
